Kaŋfóore

Céy suuf yaa ka sañ

Ku tollu ne Séex Ànta Jóob

Nga ne tey jii yaa ko tiim

Xanaa xamoo ne moom

Benn toq ci yuuram

Taa loo na say kër-i-kër

Sa kow yow ba muy dox

Séexlu woon a jëf ju bon

Gëstu la dëkke woon

Dëggu di xàll yoon

Céy Séex, ak a gore !

Way deŋ, yor fit wu réy

Di jëf ngir Afrig raw

Bii Jóob, def naa ko Buur !

Yow suuf, bul di dof waay

Saa waa ji dee ko weg waay

Lum bëgg, dee ci dox waay

Ba miy raw, nit santagul Njaay !

Séex Axmadu

Bàmba Njaay kaay

Toolu Séex

Du mës a daay

Sax ci di liggéey

Ba keroog ngay saay.