top of page
1[1].png
  • Photo du rédacteurCheikh Ahmadou Bamba Ndiaye

Yaa Gore (taalif)

Dernière mise à jour : 15 avr.



Version audio du Taalif


Yàgg, yàgg, dëggay daan

Dëgg lottoon na Senegaal

Usmaan Sonkoo tax mu daan

Lii dinaa ko bind ngir ëllëg


Da nga daan xëy di liggéey

Njiitu Réew dàq la sa liggéey

Dàqin wu ñaaw, mbete sàcc

Te yaa doon xeex ñay sàcc


Askan wi fal la, def la député

Ngay dëggal, doon ku nite

Fa nga daan taxaw Assemblée

Ku fa taxaw tey du ko mate


Ngay wax dëgg, ñu lay mbëw

Waa APR ak Abdu Mbow

Téye sa der bi di ci saw

Seeniy sobeek seeniy pexe


Présidentielle 2019

Ñu lay kókkali, nga ñëw doon

Ñetteel ca ña jiitu

Idrisa Sekk xëy la wor


Maki Sàll téye di tëjje

Tekk-der di kàjje, di pese

Xalifa Sàll nekk kaso

Nga taxawu ko, mu génn dëddu la


Ñi fi amul woon récépissé

Ñi fi amul woon ku leen faale

Ñi fi amul woon fitu gaynde

Usmaan, yaay ki leen xetali


Mag yu bari faale wu ñu ndaw

Nga wax ak ndaw ba mu mat mag

Lu mel nii ci sunu Réew

Néew na foo koy gise 


Ba ñu xamee nag ne yaa leen gën

Ca la nu jóg di la tuumaal

Giiñ na nu la fi siif, giiñ la rebelle

Giiñ la terroriste ak sàcc téléphone


Jël na ñu la tëj ak sa njaboot

Ñaari weer ci sunu biir Réew

Gii gàcce, gàccee ka réy

Soo yambaroon nu dooniy jaam


Nu ne déet, ñu sanni la kaso

Sa parti, ñu gont tas 

Say junni àndandoo ñu tëj 

Juroom-fukk ci ñoom ñu rey


Siggil ndigaale, Usmaan Sonko

Ci Baay Seex Jóob mi ñu bóom

Siggil ndigaale, Usmaan Sonko

Ci Prosper Senghor sa doom


Ñoom ñii, ñooy say nawle

Ñiy dund, ñi ëpp matu ñu

Tey jii, nga génn kaso

Ginnaaw nga woor lu jiitu Koor

Looy defati bàyyi leen ci xel


Nit ñi génn di la teeru

Ñoo yey, da ngaa gore

Maki Sàll bëggul a dem

Nga samp Basiiru ngir mu dem


Sa jëf yii ni ñu taaroo

Yal na yiy ñëw gën a taaru

Yaakaar yi nga yee ci nit ni

Yal na ci ndam yu réy topp


Liy ñëw nag mooy gen a metti

Jagal Réew coono la doŋŋ

Waaye nag du yow laa koy wax

Ku ragal coono daa bañ lu baax


Doxal, Usmaan, bul jeng

Ci yow kat danuy jàng

Ëlleg, bëg na nu laa weesu 

Sunuy rakk it nëw di nu jiitu

Senegal dëkkee tedd


« Yaa gore », la taalif bi tudd

Seex Axmadu Bàmba ki ko bind

Njaay-Jaata, dëkk Njaaréem

Di góoru Ajaa Mariyeem 

Moo la naan, dalal ak jàmm !



Seex Axmadu Bàmba Njaay

15/03/2024



Cheikh Ahmadou Bamba Ndiaye est l’auteur du blog Assumer l’Afrique. Né à Diourbel, cœur du Sénégal, il a vécu sept ans au Burkina Faso, au Prytanée Militaire de Kadiogo. Écrivain à temps partiel, amant attitré de la poésie (auteur d’une dizaine de recueils), il écrit en wolof, français et anglais.


Il est titulaire de quatre masters en droit (Sciences Po Paris, Panthéon-Assas), en communication (Paris-Saclay) et en gestion publique (ENA — Paris-Dauphine). Pour en savoir plus sur l’auteur. 



Voix : © Aïssatou Ndiaye

Montage : © Adja Marième Sy

Photo de couverture : © Sylvain Cherkaoui, Silya Ferrat, Bentaleb Sow, John Wessels, et sources anonymes

4 commenti


Ospite
09 apr

Bravo mon neveu,

Très beau poème !

Mi piace
Cheikh Ahmadou Bamba Ndiaye
Cheikh Ahmadou Bamba Ndiaye
15 apr
Risposta a

Merci beaucoup, très content qu'il vous plaise !

Mi piace

Ospite
08 apr

Très beau poème cher Bamba. Toutes mes félicitations

Mi piace
Cheikh Ahmadou Bamba Ndiaye
Cheikh Ahmadou Bamba Ndiaye
09 apr
Risposta a

Merci de l'avoir lu, j'en suis très heureux !

Mi piace
Photo blog_edited_edited_edited.png

Assumer l’Afrique est une communauté basée sur l’échange. Chaque avis compte.

N’hésitez pas à prendre la parole, liker ou partager cet article ou tout autre de la centaine d’articles disponibles ci-dessous.

Design sans titre.png
bottom of page